Mae angen eich help amddiffyn y deddfau sy'n gwarchod natur

Cyfarwyddebau Natur yw'r sylfaen ar gyfer cadwraeth yn y DU ac ar draws Ewrop. Maen nhw'n darparu'r lefel uchaf o warchodaeth ar gyfer unrhyw gynefinoedd neu rywogaethau ar hyn o bryd - ac maen nhw'n gweithio. Er gwaethaf hyn, maen nhw o dan fygythiad yn yr Undeb Ewropeaidd.

Er nad yw'r Cyfarwyddebau'n berffaith, mae'n hollbwysig nad ydyn nhw'n cael eu hadolygu. Os bydd hyn yn digwydd, bydd arweinwyr Ewrop yn manteisio ar y cyfle i'w gwanhau. Mae'n debyg mai dyma fyddai'r trychineb mwyaf i fywyd gwyllt yn ystod ein hoes. 

Heb y Cyfarwyddebau yng Nghymru...

Ni fyddai'r orgors ar y Berwyn ac Ardaloedd Cadwraeth Arbennig y Migneint wedi cael eu hadfer

Gwlithlys yng nghanol mwsogl y ffynhonnau (rspb-images)

Os byddwn yn gofalu am ein mawndiroedd, bydd pawb yn elwa. Mae mawn yn cloi carbon, yn helpu i gadw ein dyfroedd yn iach ac yn lleihau'r perygl o lifogydd.

Mae 12 - 15% o orgors y byd yn y DU, ac mae 4% yng Nghymru.

Mae mawnogydd yn gartref i'n bywyd gwyllt mwyaf gwerthfawr, gan gynnwys y grugieir duon, y bodaod tinwyn a'r cwtiaid aur.

Ni fyddai adar y môr yn cael eu gwarchod yng Nghymru

Adar dricyn Manaw (rspb-images)

 Mae hanner poblogaeth adar drycin Manaw y byd yn bridio yma yng Nghymru. Heb y Cyfarwyddebau hyn, ni fydden nhw'n cael unrhyw warchodaeth ar y môr na lle maen nhw'n magu.

Hugannod Ynys Gwales (David Tipling: rspb-images)

Gwales yw'r drydedd ynys fwyaf yn y byd ar gyfer magu huganod - heb y Cyfarwyddebau hyn, ni fydden nhw'n cael eu gwarchod o gwbl.

Ni fyddai brain coesgoch yn cael eu gwarchod

Brain coesgoch (rspb.images)

 Yn y DU, mae dwy ran o dair o boblogaeth y brain pig-goch, carismataidd hyn yng Nghymru - ni fydden nhw'n cael eu gwarchod, a byddai hynny'n fygythiad mawr i'r rhywogaeth hon sydd eisoes yn fregus.

Ni fyddai bodaod tinwyn yn cael eu gwarchod

Bod tinwen  (Andy Hay: rspb-images.com)

Diolch i'r Cyfarwyddebau, crëwyd dwy Ardal Gwarchodaeth Arbennig ar gyfer bodaod tinwyn yng Nghymru - Berwyn a Migneint-Arenig-Dduallt. Yma mae cartref y rhan fwyaf o'r boblogaeth yng Nghymru. Amcangyfrifir bod 57 o barau magu yng Nghymru nawr.

Mae angen eich help ar natur nawr - GWEITHREDWCH i amddiffyn y deddfau hyn sy'n gwarchod yr uchod a llawer, llawer mwy!

A fyddech cystal ag ymateb i'r ymgynghoriad mewn un o ddwy ffordd (gan ddefnyddio eich cyfeiriad ebost yn y gwaith a'ch cyfrifiadur personol os ydych yn dymuno):

1. Os mai dim ond dau funud sydd gennych chi, gallwch ddefnyddio ein cam gweithredu cyflym arlein. Er mwyn gwneud pethau mor rhwydd â phosib, rydym wedi paratoi cyfres o atebion er mwyn amddiffyn y Cyfarwyddebau Natur orau (byddwch yn eu gweld pan fyddwch yn gweithredu), ac ar ôl ambell glic byddwch wedi cyflwyno eich ymateb.
2. Os oes gennych chi chwarter awr, byddai'n wych petaech yn gallu cyflwyno ymateb fwy manwl i'r Comisiwn Ewropeaidd yn uniongyrchol. Gorau oll po fwyaf o ymatebion manwl y byddant yn eu cael. Mae'r arolwg i gyd yn un aml-ddewis gydag un cwestiwn testun rhydd ar y diwedd, felly mae modd i chi gymryd rhan yn gyflym a hwylus o hyd.  Mae arweiniad defnyddiol ynghylch sut mae ateb y cwestiynau ar gael yma.

Rhaid i ni weithredu nawr er mwyn gwarchod ein cefn gwlad a'n bywyd gwyllt bendigedig.

Gyda'n gilydd gallwn #amddiffynnatur

I weld albwm o luniau llefydd a bywyd gwyllt Cymru ar Facebook, sy'n elwa o'r Cyfarwyddebau cliciwch yma