Chwilota yn y gwyllt gyda Ditectifs Bywyd Gwyllt Caerdydd: Blog gwadd gan Sarah Mitchell, Swyddog Addysg ac Ieuenctid RSPB Cymru

To read this blog in English please click here.

Ydych chi awydd tipyn o hwyl i’r teulu yn eich parc lleol?  A fyddech chi a’ch plant yn mwynhau darganfod yr adar godidog, y gwyfynod a’r bwystfilod bach sy’n byw a bod ar eich stepen drws?  Os felly, efallai mai Ditectifs Bywyd Gwyllt Cymru ydi’r lle i chi...

Ditectifs Bywyd Gwyllt Caerdydd yw’r clwb natur mwyaf cyffrous ar gyfer pobl ifanc yng Nghaerdydd, ac mae’n gyfle gwych i chi a’ch teulu ddynesu at natur ac archwilio natur wyllt rhyfeddol trwy gydol y flwyddyn.  Mae’n rhaglen yn eich gwahodd chi a’ch plant i ddod i faeddu eich dwylo wrth fynd ar antur wyllt, o helfa trychfilod i drochi mewn pyllau – mae rhywbeth i bawb, sy’n siŵr o blannu hedyn diddordeb mewn byd natur.

Mwy amdanom ni

Caiff Ditectifs Bywyd Gwyllt Caerdydd ei redeg mewn partneriaeth a RSPB Cymru a Chyngor Dinas Caerdydd drwy Rhoi Cartref i Fyd Natur yng Nghaerdydd – gyda’r nod o ddod â miloedd o blant a theuluoedd yng Nghaerdydd yn agosach at fyd natur.

Mae’r Wardeiniaid Cymunedol ac RSPB Cymru yn dîm o staff a gwirfoddolwyr ymroddedig sy’n angerddol dros natur ac sy’n awyddus i rannu eu cariad at fywyd gwyllt gydag eraill.

Pryd ac ym Mhle

Mae'r ditectifs yn cyfarfod ar y trydydd dydd Sul o bob mis yn Fferm y Fforest yng Nghaerdydd. Bydd yna hefyd dripiau’n achlysurol i fannau gwyrdd eraill o amgylch Caerdydd a’r Fro i ddarganfod y creaduriaid a'r bwystfilod sy'n byw yno.

Am fwy o wybodaeth, e-bostiwch RSPB Cymru ar cymru@rspb.org.uk neu ffoniwch 02920 353000 / 07525250385 a byddwn yn sicrhau eich bod yn barod i chwilota yn y gwyllt!

Faint mae’n gostio?
Codir cost fechan i dalu am adnoddau ond mae dwy ffordd o dalu:

D.S. Caiff oedolion fwynhau’r hwyl am ddim!

A gaiff plant fwynhau’r hwyl ar eu pen eu hunain?
Er bod gan ein harweinwyr archwiliadau gan y DBS (yn ddiogel i weithio gyda phlant) gofynnwn i rieni/gofalwyr aros trwy gydol y cyfarfod. Nid rhywbeth i blant yn unig yw’r awyr agored ac rydym am i chi fel oedolion fwynhau rhyfeddodau byd natur hefyd.

Rwy’n gorfod gweithio ambell ddydd Sul, a gaiff aelodau eraill o’r teulu ddod draw?
Mae croeso i Fodrybedd, Ewythrod, Teidiau neu Neiniau fod yn rhan o Dditectifs Bywyd Gwyllt Caerdydd! Er hynny, gofynnwn ichi roi gwybod inni os oes rhywun arall yn dod gyda’ch plant fel ein bod yn gwybod i’w disgwyl ymlaen llaw.

Newid yn y rhaglen
Os oes newid yn y rhaglen, byddwn wastad yn ceisio cysylltu â chi ymlaen llaw. Os digwydd inni orfod canslo byddwn wastad yn eich ffonio neu’ch tecstio ar fore’r cyfarfod.

A oes angen inni ddod â rhywbeth gyda ni?
Yr oll sydd angen arnoch yw dillad addas i’r tywydd, plant (ac oedolion!) llawn cynnwrf a brwdfrydedd dros natur!

Rhaglen 2016/2017